შპს „სამართლის ექსპერტთა ჯგუფი“ არის კერძო სამართლის იურიდიული პირი, რომლის საქმიანობის სფეროა იურიდიული მომსახურება.
მეტი ინფორმაცია ჩვენი საქმიანობის შესახებ იხილეთ აქ.
კონფიდენციალურობის დაცვასთან დაკავშირებული კითხვების შემთხვევაში მოგვწერეთ ან დაგვირეკეთ:
კომპანიის ტელეფონის ნომერი: +995 596 719988
კომპანიის ელფოსტა: info@leg.ge
კომპანიის ვებგვერდი: https://www.leg.ge/
კომპანიის მისამართი: თბილისი, ილია ჭავჭავაძის გამზირი 39
კონფიდენციალურობის პოლიტიკის დოკუმენტის მიზანია, შპს „სამართლის ექსპერტთა ჯგუფმა“, როგორც პერსონალურ მონაცემთა დამუშავებისთვის პასუხისმგებელმა პირმა, სრულყოფილი ინფორმაცია მიაწოდოს მონაცემთა სუბიექტს/კლიენტს, მის რომელ პერსონალურ მონაცემებს ამუშავებს, რა გზით, რისთვის, რა ვადით და როგორ იყენებს მათ.
შპს „სამართლის ექსპერტთა ჯგუფის“ (შემდგომში – კომპანია) კონფიდენციალურობის პოლიტიკა, მონაცემთა სუბიექტის/კლიენტის უფლებებისა და თავისუფლებების დაცვა, მისი პერსონალური მონაცემების დამუშავება (მათ შორის, შეგროვება, ორგანიზება, გადაცემა და წაშლა) ხორციელდება „პერსონალურ მონაცემთა დაცვის შესახებ“ საქართველოს კანონმდებლობის შესაბამისად.
მონაცემთა დამუშავების მიზნები
კომპანია მონაცემთა სუბიექტის/კლიენტის პერსონალურ მონაცემებს გამოიყენებს მხოლოდ კონკრეტული, მკაფიო და კანონიერი მიზნებისთვის. თქვენი პერსონალური მონაცემები საჭიროა ჩვენი მომსახურების სრულყოფილად განსახორციელებლად, თქვენთვის სამართლებრივი პროცედურების საწარმოებლად ან შედეგზე ორიენტირებული იურიდიული კონსულტაციის გასაწევად.
თქვენი პერსონალური მონაცემების დამუშავებისას ვითვალისწინებთ მინიმიზაციის პრინციპს და ვამუშავებთ მხოლოდ წინასწარ განსაზღვრული და დასახელებული მიზნის სათანადოდ მიღწევისათვის საჭირო და აუცილებელ მონაცემებს.
ჩვენ არ ვამუშავებთ მონაცემთა სუბიექტის/კლიენტის პერსონალურ მონაცემებს პირდაპირი მარკეტინგის მიზნებისათვის, მათ შორის, არც ჩვენი ვებგვერდის და სოციალური მედიის მისამართზე თქვენი ვიზიტისას.
მონაცემთა დამუშავების სამართლებრივი საფუძველი
ჩვენ ვამუშავებთ მონაცემთა სუბიექტის/კლიენტის მონაცემებს მხოლოდ ლეგიტიმური საფუძვლის არსებობისას, კერძოდ, თუ თქვენ განაცხადებთ თანხმობას თქვენი პერსონალური მონაცემების ერთი ან რამდენიმე კონკრეტული მიზნით დამუშავებაზე.
მონაცემთა სუბიექტის/კლიენტის პერსონალურ მონაცემებს დავამუშავებთ, თუ მხოლოდ ეს მასთან დადებული ხელშეკრულებით ნაკისრი ვალდებულებების შესასრულებლად და მომსახურების გასაწევად არის საჭირო.
მონაცემთა სუბიექტის/განმცხადებლის პერსონალურ მონაცემებს ვამუშავებთ, თუ რადგან ეს გამოცხადებულ ვაკანსიაზე განაცხადის განსახილველად აუცილებელია.
მონაცემთა მიწოდების სავალდებულოობა
მონაცემთა სუბიექტი/კლიენტი ვალდებულია, მოგვაწოდოს პერსონალური მონაცემები, რომლებიც აუცილებელია იურიდიული კონსულტაციისათვის და შემდგომში მომსახურების ხელშეკრულების დასადებად.
მონაცემთა გაზიარება
კომპანია არ გადასცემს მონაცემთა სუბიექტის/კლიენტის პერსონალურ მონაცემებს მისი თანხმობის გარეშე, გარდა შემდეგი შემთხვევებისა:
- როდესაც მონაცემების გაზიარება მესამე პირისთვის აუცილებელია მონაცემთა სუბიექტისთვის/კლიენტისთვის მომსახურების გაწევის უზრუნველსაყოფად, სამართლებრივი პროცედურების სრულყოფილად წარმართვისათვის სხვადასხვა კერძო თუ საჯარო დაწესებულებასა და სასამართლოში წარმომადგენლობისათვის;
- როდესაც მონაცემთა სუბიექტის/კლიენტის პერსონალური მონაცემების გაზიარება საჭიროა სახელმწიფო უსაფრთხოების მიზნებისთვის ან/და მოთხოვნილია კანონით, თუ ამგვარი გადაცემა არ ეწინააღმდეგება საადვოკატო საქმიანობის მარეგულირებელ კანონმდებლობას;
- როდესაც გადავცემთ სუბიექტის/კლიენტის პერსონალურ ინფორმაციას (სახელს, გვარს, მისამართს, ტელეფონის ნომერს) საფოსტო/საკურიერო მომსახურების გამწევ მონაცემთა დამუშავებაზე უფლებამოსილ პირს.
მონაცემთა საერთაშორისო გადაცემა
მონაცემთა საერთაშორისო გადაცემა ხორციელდება მხოლოდ გამონაკლის შემთხვევაში, როდესაც მონაცემთა სუბიექტის/კლიენტის მოთხოვნის შესაბამისად პერსონალური მონაცემების გაზიარება აუცილებელია. საერთაშორისო გადაცემის დროს კომპანია ხელმძღვანელობს მხოლოდ პერსონალურ მონაცემთა დაცვის სამსახურის უფროსის N23 და N33 ბრძანებებით.
მონაცემთა შენახვის ვადა
კომპანია მონაცემთა სუბიექტის/კლიენტის პერსონალურ მონაცემებს ინახავს მხოლოდ იმ ვადით, რაც საჭიროა მათი დამუშავების მიზნის მისაღწევად ან კანონით გათვალისწინებული ვალდებულების შესასრულებლად:
- მონაცემთა სუბიექტის/კლიენტის პერსონალურ მონაცემებს კომპანია ინახავს სახელშეკრულებო ვალდებულების შესრულების შემდეგ საქართველოს საგადასახადო კოდექსით გათვალისწინებული ხანდაზმულობის ვადით (არაუმეტეს 3 წლისა);
- თუ კომპანიასა და მონაცემთა სუბიექტს/კლიენტს შორის არ წარმოიშვება სახელშეკრულებო ურთიერთობა, პერსონალური მონაცემები წაიშლება დაუყოვნებლივ;
- კომპანიის მიერ გამოცხადებულ ვაკანსიაზე მიღებული განაცხადების შემთხვევაში, მონაცემთა სუბიექტის/განმცხადებლის პერსონალური ინფორმაცია წაიშლება არაუგვიანეს 10 (ათი) სამუშაო დღისა, ხოლო მონაცემთა სუბიექტის/განმცხადებლის თანხმობის არსებობისას მონაცემები შეინახება 12 (თორმეტი) თვის განმავლობაში, სხვა ვაკანსიაზე მისი განხილვის მიზნით.
მონაცემთა უსაფრთხოება
კომპანია პერსონალურ მონაცემთა დაცულობისა და მაღალი დონის უსაფრთხოების უზრუნველსაყოფად, არასანქცირებული წვდომისგან, დაკარგვისგან ან/და დაზიანებისაგან თავის ასარიდებლად, იყენებს შესაბამის ტექნიკურ და ორგანიზაციულ ზომებს. მუდმივად აფასებს ინფორმაციული უსაფრთხოების რისკებს და სათანადოდ იცავს თქვენს როგორც ელექტრონული, ისე არაელექტრონული ფორმით არსებულ მონაცემთა ფიზიკურ უსაფრთხოებას. კომპანია აღრიცხავს ყველა ინციდენტს, რომელიც მონაცემთა უსაფრთხოებას დაემუქრება და მათ დაუყოვნებლივ აღმოფხვრის.
მონაცემთა სუბიექტის/კლიენტის უფლებები
მონაცემთა სუბიექტს/კლიენტს უფლება აქვს, მოითხოვოს ინფორმაცია საკუთარი პერსონალური მონაცემების დამუშავების შესახებ, მათი გასწორება, განახლება, შეცვლა, წაშლა, განადგურება და დაბლოკვა. მონაცემთა სუბიექტს უფლება აქვს, ნებისმიერ დროს, ყოველგვარი განმარტების ან დასაბუთების გარეშე გამოიხმოს მის მიერ გაცემული თანხმობა მონაცემთა დამუშავებაზე. მონაცემთა დამუშავება შეწყდება ან/და დამუშავებული მონაცემები წაიშლება ან განადგურდება მოთხოვნიდან არაუგვიანეს 10 (ათი) სამუშაო დღისა. ხოლო დაიბლოკება დაუყოვნებლივ, არაუგვიანეს 3 (სამი) სამუშაო დღისა.
თუკი კომპანია მიიღებს მონაცემთა მოთხოვნაზე, გარდა დაბლოკვის მოთხოვნისა, უარყოფით გადაწყვეტილებას, მონაცემთა სუბიექტს/კლიენტს ეცნობება უარის თქმის საფუძველი და განემარტება უარის გასაჩივრების წესი 10 (ათი) სამუშაო დღის ვადაში. კომპანია დაბლოკვაზე უარის შესახებ გადაწყვეტილებას კი მონაცემთა სუბიექტს/კლიენტს გააცნობს დაუყოვნებლივ, არაუგვიანეს 3 (სამი) სამუშაო დღისა.
მონაცემთა სუბიექტის/კლიენტის უფლებები შეიძლება შეიზღუდოს, თუ ეს პირდაპირ არის გათვალისწინებული საქართველოს კანონმდებლობით, ან საფრთხეს უქმნის სახელმწიფო და საზოგადოებრივ უსაფრთხოებას.
კომპანიის მიერ მონაცემთა სუბიექტის/კლიენტის უფლებების დარღვევისას მას უფლება აქვს, კანონით დადგენილი წესით მიმართოს სახელმწიფო აუდიტის სამსახურს ან სასამართლოს. ხოლო სახელმწიფო აუდიტის სამსახურის გადაწყვეტილება შეუძლია ასევე გაასაჩივროს სასამართლოში საქართველოს კანონმდებლობით გათვალისწინებული პირობებისა და ვადების დაცვით.
მონაცემთა სუბიექტს უფლება აქვს, სახელმწიფო აუდიტის სამსახურს მოსთხოვოს მონაცემთა დაბლოკვის შესახებ გადაწყვეტილების მიღება განცხადების განხილვის დასრულების თაობაზე გადაწყვეტილების გამოტანამდე.
რა მონაცემებს ვამუშავებთ და როგორ
კომპანია ამუშავებს მონაცემთა სუბიექტის/კლიენტის შემდეგ პერსონალურ მონაცემებს როგორც არაავტომატური, ისე ნახევრად ავტომატური საშუალებით. ეს პერსონალური მონაცემებია:
- სახელი და გვარი
- ელექტრონული კომუნიკაციის მაიდენტიფიცირებელი მონაცემები (ელექტრონული ფოსტა, ტელეფონის ნომერი)
- მისამართი
- საიდენტიფიკაციო/პირადი ნომერი
- კლიენტის საქმესთან დაკავშირებული და მის მიერ მოწოდებული ყველა ტიპის ინფორმაცია (განსაკურებული კატეგორიის მონაცემების გარდა)
- ვაკანტური ადგილის დასაკავებლად მხოლოდ განმცხადებლის მიერ წარმოდგენილ მონაცემები და პიროვნული მახასიათებლები.
რა მონაცემებს არ ვამუშავებთ
- არ ვამუშავებთ განსაკუთრებული კატეგორიის მონაცემებს. მათი დამუშავების შესახებ გადაწყვეტილებას ვიღებთ მხოლოდ მონაცემთა სუბიექტის/კლიენტის წერილობითი თანხმობის საფუძველზე;
- არ ვამუშავებთ არასრულწლოვნის პერსონალურ და განსაკუთრებული კატეგორიის მონაცემებს.
საიდან ვიღებთ თქვენს პერსონალურ მონაცემებს
- მონაცემებს ვიღებთ მხოლოდ თქვენი მომართვის (პირადი, სატელეფონო, ელექტრონული) საფუძველზე, როდესაც გსურთ ჩვენს იურისტებთან კონსულტაციის გავლა ან სამართლებრივი მომსახურების მიღება;
- სახელშეკრულებო ურთიერთობის დაწყებამდე შესწავლის ფარგლებში თქვენ შესახებ ინფორმაციას საჯაროდ ხელმისაწვდომი წყაროებიდანაც მოვიპოვებთ;
- მონაცემებს ვიღებთ ჩვენ მიერ გამოცხადებულ ღია კონკურსში მონაწილეობისას თქვენი განაცხადის (რეზიუმეს) საფუძველზე;
- მონაცემებს ვიღებთ, თუ ჩვენს ვებგვერდზე სტუმრობისას თქვენს პერსონალურ მონაცემებს საკონტაქტო ფორმაში შეიტანთ და გამოგვიგზავნით.